Iti umuna nga gundaway, nabukel iti maysa nga Food-for-Training iti DSWD Field Office 1 (DSWD FO 1) sadiay Bugros, Ilocos Sur. Naisayangkat daytoy babaen ti tulong ti Provincial Social Welfare and Development Office (PSWDO) kas maysa nga aktibidad a panangrambak iti Kannawidan Festival of Ilocos Sur 2023.

“Dakkel a tulong kadakami daytoy a training, malaksid nga nakaawat kam iti Family Food Pack, nanayunan met ti pannakaammomi no ania ti rumbeng nga aramiden tapno makapagsagana kadagiti didigra”, kuna ni Victoria D. Alcantara, maysa kadagiti nakipaset iti nasao nga training. Kinuna na  pay, “Dagiti nasursuromi iti daytoy a training ket mabalinmi a maisuro met iti pamilyami ken dadduma pay nga am-ammomi tapno makapagsaganada met no adda didigra”.

Napagsaritaan iti disaster preparedness no sadino a naisuro dagiti rumbeng nga aramiden sakbay, kabayatan ken kalpasan ti didigra. Nailawlawag pay iti proseso iti pinagrequest ti augmentation manipud iti DSWD ken no anya ti linaon dagiti Food and Non-Food Items, kasta met dagiti dadduma pay a programa ken serbisyo nga ipapaay iti ahensia. Kamaudianan na, adda naaramid nga open forum tapno maikkan dagiti nakipaset iti gundaway nga agsaludsod. Kalpasan ti training, naiwaras dagiti Family Food Packs kadagiti benepisyaryo kasukat ti pannakipasetda iti nasao nga aktibidad.

Kinuna ni Municipal Mayor Nataniel D. Escobar iti Burgos, Ilocos Sur, “No adda mapasamak a didigra idi, dagiti laeng masansan nga aggaraw ket dagiti empleyado ti Municipal Disaster Risk Reduction and Management Office. Ngem babaen ti tulong ti training nga ipapaay iti DSWD FO 1, uray kasano, nasursuro dagiti kailiantayo no ania ti aramidenda no adda didigra”.

Ti Food-for-Training iti DSWD ket mangipapaay iti food support a kasukat ti pannakipaset kadagiti training a mangpabileg iti kapasidad dagiti benepisyaryo. Panggep iti daytoy a proyekto a mangited ti pannakaammo ti publiko maipanggep iti Disaster Risk Reduction Management ken mangipaay kadagiti gundaway iti pagbiag babaen ti trainings a makatulong kadagiti nakurapay a  pamilya ken komunidad a nalaka a maapektaran iti didigra. by: Henry J. Juyno, Information Officer II, Disaster Response Management Division-Disaster Response and Rehabilitation Section